চাঁদ মুরমু আর ভইরব মুরমু জিয়ন কাথা

                                                                     চাঁদ মুরমু

        চুনু মুরমু রেন সাজলায়িজ কড়া দ চাঁদো মুরমু তাঁহে কানা। উনি দ সান্তাড় হুল রেন আঁগয়ুর কিন সিদু, কানহু রেন বয়হায়ে তাঁহে কানা। আনদাজ ১৮৩১ সাল করে চাঁদ মুরমু দয় জানাম লেন তাঁহে কানা। হুল অক্তে রে উনিয়াঃ উমের দ বারগেল পুন (২৪) বছর লেকা তাঁহে কান তায়া । জাহের এরা দ অকা ধরম কাগজ সিদু কানহু তাকিনে এমাৎ কিন তাঁহে কানা, অনা দ চাঁদ গেয়ে পাড়হও আঁজম আদ কিনাতাঁহে কানা, এনকাথায় অল তাঁহে কানা - জুদি জথাত বিচৗরেম ঞাম কান খান, মাহাজন ক তুলুজ লৗড়হাই মে। আরহঁ  হড় হপন ক গিরী বাসি আকান আডি  আডি টঠা খন হড় দ সিদু, কানহু তাকিন চিঠি ক অল আকিন কান তাঁহে কানা, বাংমা ইংরেজ রেন সিপৗহি কওয়াঃ কচলন তেক জালে থালে চাবা আকান।যেমন উনকু দ উসৗরা ক অওয়ার অচঃ। নওয়া ক জত চিঠি দ চাঁদ গেয়ে পাড়হাও আঁজম আকিন কান তাঁহে কানা আর রড় রুওয়ৗড় হঁ চাঁদ গেয়ে অলেৎ তাঁহে কানা। অনা তেবন বাড়ায় দাড়েয়াঃ কানা, বাংমা পুন বয়হা মুদ রে চাঁদ দ অলঃ পাড়হাও এ বাড়ায় কান তাঁহে কানা।

       চাঁদ দ সান্তাড় হুলরে ফৗদ চালাও হঁয়ে তাঁহে কানা। সাগরামপুর আর পেয়ালাপুর রেয়াঃ বানার লৗড়হাই রেগে আজ রেন ফৗদে আয়ুর লেৎ কওয়া। লৗড়হাই বাং হােয়ােঃ জখেজ আজরেন ফৗদ দ আডি লেকাতেলৗড়হৗই লাগিৎ এ এতােয়েদ ক তাঁহে কানা, যেলেকা বেঝা তুঞ এমান। হুল চাবা কাতে ইংরেজ কদ চাঁদ দ সাব কেদেয়া আর বিচৗর রে দুসি কাতে হাজত রেক ভরাও কেদেয়া । হাজত রেগে চাঁদ দয় বেঁড়াও এনা ।

        থড়া দিন তায়ম খানগে পাচকৗটিয়ৗ রে হুল দ এহব লেনা। ভইরব হঁ  আঁড়ে দয় তাঁহে কানা। কেনারাম আর দারােগা দ ভইরব আঃ মেৎ সামাং রেকিন গজ অচয়েনা । অনা ঞেলতে   ভইরব দ হেড়ান রৗস্কৗয়ে আটকার। লেদা, এন্তে কচলন আর সিবড় ক লাগিৎ নংকান সৗজৗই গেয়ে খজ কান তাঁহে কানা। পেয়ালাপুর রেয়াঃ লৗড়হাই রে দ সিদু দয় জখমেন তায়ম হড় দ উনি ক ফারাক লেদেয়া, ভইরব দ আজ দাদা সঁগে গেয়ে তাঁহে ইদি এনা। সিদু দ দামােদর গাড়া হানা সা দৗড় লাগিৎ এ গটা কেদা। আদ মিংটেন বীর রেক ডেরা আকান তাঁহে কান জখেজ মিৎটেন হড় হপন হতে তেগে ক সাব অচ এনা। ভইরব হঁক সাব কেদেয়া। উনরে ভইরব দয় গটা কেদা, জত হড় লে সাব অচ লেনখান দিশম হড় আয়ুর ক সে ইংরেজ আর মাহাজন ক বিরুদ রে লৗড়ইই চালাও ইদি লাগিৎ হড় দ বাক তাঁহেনা । অন্তে জাঁহা উপৗই। তেগে - হাজতঃ খন দ বাঞ্চাও হােয়াঃ আ। উনরে ভইরব দ ফোরফুন্দি  কাতেয়ে মেন কেদা “ইঞ দ ঠাকুর দঞ বাং কানা, লৗড়হাই হঁ  বাং ইঞ লৗড়হাই আকানা, লুট হঁ  বঞ লুট আকাদা। ইঞ দাদা তাক গেক লুট বাড়া লেদা, অনাগে ইঞ হঁক হাটিঞ আদিঞ তাঁহে কান্তে, ইঞ ঠেন দ জিনিস ক ঞাম আকানা।”  সাহেব দ ভইরব আঃ কাথায় পীতয়ও আদা, এন্তে সারিগে নুনঃ হুডিঞ গিদরী দ চেকাতে খুন সে লুট লেকান কামি দয় কামি দাড়ে আঃ আ। অন্তে বারর্ড (Bard) সাহেব দ সরকার ঠেন ০৯/১২/১৮৫৫ তারিখ হিলঃ ভইরব বাবদ চিঠিয়ে অল কেদা (Too young insiguifi cant to have been engaged in the iusurection)। (হুল রে নুয় হুডিঞ  গিদরী সেলেদ তাঁহেন দ অঁহগে হােয় লেনা)। মেনখান কমিশনার দ এন্তে রেহঁ বায় পৗতয়ৗও লেনা। বিচকম দিশম বিরুদাহি খুন আর লুট এমান তেয়াঃ দোস লাদে কাতে ভইরব দয় বিচৗর অচ কেদেয়া। বিঃ-চৗরিজ এলিয়ট (Eliot) সাহেব দ ১৮/ ০ ১/ ১৮৫৫ সালরে আজাঃ রায় রেয়ে মেন কেদা, ভইরব দয় আঁগচ আকাদা বাংমা পাঁচকৗটিয়ী রেয়াঃ গপজ জখেজ এ তাঁহে কানা আর তাক তাক রে ভগনাডি তে আজ দাদা তাক ঠেন পামঃ এ সেনঃ কান তাঁহে কানা। উনি ফর তেদ রাজ বিরুদ লৗড়হৗই আর সাধারন হড়াঃ জিয়ন জাতরায় এৎ তাক তাঁহে কান দ সাবুদ - চুকৗও আকানা । অনাতে ইঞ দ সিকড়িতে তল হালত রেগে জালাপুরি হানা সা রে জায় জুগ হাজত রে তাঁহেন হােয়াে তায় রেয়াঃ সৗজৗই ইঞ এমায় কানা । মেতাঃ মে আনদামান টাপু রেয়াঃ হাজত তেক ইদি কেদেয়া । 

        মিৎটেন হারা হারা গদঃ কড়া দ কুসি রৗস্কৗ আর ধন দৗলত তে সারেড়ঃ কান মিৎটেন সান্তাড় সমাজ বেনাও রেয়াঃ এ কুরুমুটু লেৎ তাঁহে কানা। হুল চাবা কাতে ধের বছর তায়ম হঁ পাসেজ ভইরব দ জালাপুরি হানাসা রেয়াঃ হাজত অড়াঃ রে সিকড়ি তে তল আকান তুলুজ হঁ পাসেজ ইনৗ কুকমু গে তাঁহে কান তায়া মেনখান উনিয়াঃ কুকমু দ কুকমু রেগে তাঁহে য়েনা, ভইরব দ হাজত রেগেয় বেন্ডাও এনা ।